ruh-e-badan zaraa si to ghabraani chaahiye — Armaan Jodhpuri

kaam ho to kaam karnaa vaqt ho to shaa'iri
naukri apni jagah hai shaa'iri apni jagah

mo'jiza aur bhalaa is se baDaa kyaa hogaa
dard is dil mein hai girte hain tumhaare aansu

hai mere dil ko anaa is qadar 'aziz ki vo
taDapne bhi nahin detaa hai aah bhar ke mujhe

pyaasi bahut thiin hasratein lo aaj mar gaiin
baarish kaa intizaar thaa vo bhi nahin rahaa

jis ke dam se thi jism ki raunaq
us udaasi ke haath piile hue

duriyaan tum ne hi baDhaai thiin
ham to apni jagah pe Thahre hain

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

duniyaa gharib jaan ke hansti thi 'mir' par
'iqbaal' mujh pe aise ye duniyaa hansi ki bas

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa