hai ajab si kashmakash dil mein 'asar' — Asar Akbarabadi

raasta rok liyaa meraa kisi bachche ne
is mein koi to 'asar' meri bhalaai hogi

ulfat kaa hai maza ki 'asar' gham bhi saath hon
taarikiyaan bhi saath rahein raushni ke saath

zindagi tujh se ye gilaa hai mujhe
koi apnaa nahin milaa hai mujhe

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

saaya bhi saath chhoD gayaa ab to ai 'asar'
phir kis liye main aaj ko kal se judaa karun

ulfat ke badle un se milaa dard-e-laa-ilaaj
itnaa baDhe hai dard main jitni davaa karun

mere khvaabon ke jharokon ko sajaate rahiye
na sahi vasl magar yaad to aate rahiye

ho gae din jinhein bhulaae hue
aaj kal hain vo yaad aae hue

kar kuchh aisaa ki tujhe yaad rakhun
bhuul jaane kaa taqaazaa hi sahi

koi shikva na gham na koi yaad
baiThe baiThe bas aankh bhar aai

mujhe khabar hai kyaa kuchh hai buniyaadon mein
teri basti kaa pahlaa mazdur thaa main

dam liyaa thaa na qayaamat ne hanuz
phir tiraa vaqt-e-safar yaad aayaa