main kyaa kahun kahaan hai mohabbat kahaan nahin — Asghar Gondvi

sau baar tiraa daaman haathon mein mire aayaa
jab aankh khuli dekhaa apnaa hi garebaan thaa

kyaa mastiyaan chaman mein hain josh-e-bahaar se
har shaakh-e-gul hai haath mein saaghar liye hue

chalaa jaataa huun hanstaa kheltaa mauj-e-havaadis se
agar aasaaniyaan hon zindagi dushvaar ho jaae

zaahid ne miraa haasil-e-imaan nahin dekhaa
rukh par tiri zulfon ko pareshaan nahin dekhaa

yuun muskuraae jaan si kaliyon mein paD gai
yuun lab-kushaa hue ki gulistaan banaa diyaa

pahli nazar bhi aap ki uff kis balaa ki thi
ham aaj tak vo choT hain dil par liye hue

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

ulfat mein teraa ronaa 'ehsaan' bahut bajaa hai
har vaqt meinh kaa honaa ye rahmat-e-khudaa hai

ishq kaa tifl gir zamin uupar
khel sikhaa hai khaak-baazi kaa

nae hain vasl ke mausam mohabbatein bhi nai
nae raqib hain ab ke adaavatein bhi nai