khilnaa har ek phuul kaa 'asghar' hai moajaza — Asghar Velori

un ke haathon se milaa thaa pi liyaa
zahr thaa par zaaiqa achchhaa lagaa

tire mahal mein hazaaron charaagh jalte hain
ye meraa ghar hai yahaan dil ke daagh jalte hain

shikaar apni anaa kaa hai aaj kaa insaan
jise bhi dekhiye tanhaa dikhaai detaa hai

log achchhon ko bhi kis dil se buraa kahte hain
ham ko kahne mein buron ko bhi buraa lagtaa hai

duniyaa se khatm ho gayaa insaan kaa vajud
rahnaa paDaa hai ham ko darindon ke darmiyaan

raushni jab se mujhe chhoD gai
shama roti hai sirhaane mere

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

be-sabaati chaman-e-dahr ki hai jin pe khuli
havas-e-rang na vo khvaahish-e-bu karte hain

ek aalim hai jo sajdon mein gila kartaa hai
ek darvesh hai jo haalaat-e-namnaak mein khush