zindagi se bahut der tak — Ashhad Karim Ulfat

baadal ke ek TukDe mein kyon dab gai tapish
suraj hazaar darja jalaali banaa rahaa

meri fikr nahin hai tujh ko apni fikr to karni hogi
teraa naam bhi mailaa hogaa meri bhi rusvaai mein

du’aa-e-dast-e-fazilat se sar ki raunaq hai
hamaare ghar ke buzurgon se ghar ki raunaq hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi zor hai ravaani kaa
kyaa thamegaa bahaav paani kaa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

umr-bhar jis ke liye aankhein rahi hain farsh-e-raah
vo ajal kaa qaasid-e-farkhanda-gaam aa hi gayaa

umr hi teri guzar jaaegi un ke hal mein
teraa bachcha jo savaalaat liye baiThaa hai