du’aa-e-dast-e-fazilat se sar ki raunaq hai — Ashhad Karim Ulfat

baadal ke ek TukDe mein kyon dab gai tapish
suraj hazaar darja jalaali banaa rahaa

zindagi se bahut der tak
zindagi par hi chiq chiq hui

meri fikr nahin hai tujh ko apni fikr to karni hogi
teraa naam bhi mailaa hogaa meri bhi rusvaai mein

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi