pech-dar-pech hui jaati hai duniyaa ham par — Asif Bilal

jaane lagtaa huun to vo paanv pakaD letaa hai
aur sitam ye hai ki siine se lagaataa bhi nahin

vo lamhe-bhar ko tasavvur se bhi nahin jaataa
isi liye to use apni jaan bolte hain

taraqqiyaat ki ye kaun si ghaDi hai jahaan
sab apne aap mein baazaar honaa chaahte hain

ab bahut dasht-navardi hui 'aasif' saahab
ab badan maut ki aavaaz pe haan chaahtaa hai

ham aise log bahut der tak nahin rahte
yaqin jaaniye koi kamaal ho rahaa hai

ham ne jis haadse pe sabr kiyaa
aap hote to mar gae hote

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kyon tasavvur mein ji rahaa huun main
jab haqiqat mein mar hi jaanaa hai

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

duniyaa gharib jaan ke hansti thi 'mir' par
'iqbaal' mujh pe aise ye duniyaa hansi ki bas