kise milti najaat 'aazaad' hasti ke masaail se — Azad Gulati

aasmaan ek sulagtaa huaa sahraa hai jahaan
DhunDhtaa phirtaa hai khud apnaa hi saayaa suraj

dekhne vaale mujhe meri nazar se dekh le
main tiri nazron mein huun aur main hi har manzar mein huun

ek vo hain ki jinhein apni khushi le Duubi
ek ham hain ki jinhein gham ne ubharne na diyaa

raushni phaili to sab kaa rang kaalaa ho gayaa
kuchh diye aise jale har-su andheraa ho gayaa

vo vaqt aaegaa jab khud tumhi ye sochogi
milaa na hotaa agar tujh se main to behtar thaa

aap jis rah-guzar-e-dil se kabhi guzre the
us pe taa-umr kisi ko bhi guzarne na diyaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vaqt ke saath 'sadaa' badle ta'alluq kitne
tab gale milte the ab haath milaayaa na gayaa

phuul lagte hain zaraa der se avval avval
shaakh-e-gul par bhi miyaan khaar hi lagte hain naa

rahguzar bhi tiri pahle thi ajnabi
har gali ab tiri rahguzar ho gai