aur kyaa mafhum hogaa khud-farebi ke sivaa — Badr Muneer

muskuraa kar agar vo dekhe to
aaine par nishaan paD jaae

kunj-e-hairat se chale dasht-e-ziyaan tak laae
kaun laa saktaa hai ham dil ko jahaan tak laae

kyaa khabar kaun saa rasta tiri jaanib nikle
be-iraada bhi kai baar safar karte hain

be-chehra insaanon ki is basti mein
achchhaa hai aaine toD diye jaaein

uqaabi ruuh jab bedaar hoti hai zanaani mein
amaan shauhar ko phir milti nahin is daar-e-faani mein

laD rahaa huun main akelaa kaar-zaar-e-hast mein
kar faraaham tu bhi zaalim apne hone kaa javaaz

ek parda saa hai fareb-e-nazar
ye bhi uTThe to dekhnaa kyaa hai

is qadar musalsal thiin shiddatein judaai ki
aaj pahli baar us se main ne bevafaai ki

mere baa'd vafaa kaa dhokaa aur kisi se mat karnaa
gaali degi duniyaa tujh ko sar meraa jhuk jaaegaa

kuchh to majburiyaan rahi hongi
yuun koi bevafaa nahin hotaa

yaar main itnaa bhukaa huun
dhokaa bhi khaa letaa huun

lo phir tire labon pe usi bevafaa kaa zikr
ahmad 'faraaz' tujh se kahaa na bahut huaa