hai musalmaan ko hamesha aab-e-zamzam ki talaash — Bahram Ji

nahin but-khaana o kaaba pe mauquf
huaa har ek patthar mein sharar band

nahin duniyaa mein aazaadi kisi ko
hai din mein shams aur shab ko qamar band

pataa miltaa nahin us be-nishaan kaa
liye phirtaa hai qaasid jaa-ba-jaa khat

zaahidaa kaabe ko jaataa hai to kar yaad-e-khudaa
phir jahaazon mein khayaal-e-naa-khudaa kartaa hai kyuun

zaahiri vaaz se hai kyaa haasil
apne baatin ko saaf kar vaaiz

DhunDh kar dil mein nikaalaa tujh ko yaar
tu ne ab mehnat miri be-kaar ki

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

aur bhi to hain zamaane mein tumhaare aashiq
ek main hi tumhein kyaa qaabil-e-ilzaam milaa