kisi ne chuum ke aankhon ko ye duaa di thi — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

duaa ye hai na hon gumraah ham-safar mere
'khumaar' main ne to apnaa safar tamaam kiyaa

jidhar bhi jaataa hai vo shola-e-bahaar-sarisht
duaaein detaa hai amboh-e-kushtgaan us ko

duaaein maangi hain saaqi ne khol kar zulfein
basaan-e-dast-e-karam abr-e-dajla-baar baras

gar khaak se hamaari putlaa koi banaave
teri duaa mein us ki uTThi kalaaiyaan hon

yahaan se jab gai thi tab asar par khaar khaae thi
vahaan se phuul barsaati hui palTi duaa meri

haae koi davaa karo haae koi duaa karo
haae jigar mein dard hai haae jigar ko kyaa karun