ummid to bandh jaati taskin to ho jaati — Chiragh Hasan Hasrat

aao husn-e-yaar ki baatein karein
zulf ki rukhsaar ki baatein karein

ghairon se kahaa tum ne ghairon se sunaa tum ne
kuchh ham se kahaa hotaa kuchh ham se sunaa hotaa

ik ishq kaa gham aafat aur us pe ye dil aafat
yaa gham na diyaa hotaa yaa dil na diyaa hotaa

raat ki baat kaa mazkur hi kyaa
chhoDiye raat gai baat gai

qubul is baargah mein iltijaa koi nahin hoti
ilaahi yaa mujhi ko iltijaa karnaa nahin aataa

yaa-rab gham-e-hijraan mein itnaa to kiyaa hotaa
jo haath jigar par hai vo dast-e-duaa hotaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi