niind aati hi nahin thi aagahi ke dard se — Dr. Jafar Askari

mullaa tiri akaD se ye hone lagaa gumaan
jaise khudaa zamin pe numudaar ho gayaa

chhin leti hai aadmi kaa vaqaar
muflisi bhi 'azaab hai yaaro

miT jaaegi vatan se jahaalat ki tirgi
vo dekh inqalaab kaa suraj qarib hai

ik maan ke dam se ziist mein raunaq thi barqaraar
ab vo nahin to raunaq-e-bazm-e-jahaan nahin

mazhab se us ke dil mein na paidaa huaa gudaaz
ye aadmi to aur bhi saffaak ho gayaa

barsaat muflison ki sadaa se raqib hai
kachche makaan girne kaa mausam 'ajib hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

parind shaakh pe tanhaa udaas baiThaa hai
uDaan bhuul gayaa muddaton ki bandish mein

ab ke safar mein dard ke pahlu ajiib hain
jo log ham-khayaal na the ham-safar hue

ghar mein kyaa gham ke sivaa thaa jo bahaa le jaataa
meri viraani pe hanstaa rahaa dariyaa us kaa