abhi se paanv ke chhaale na dekho — Ejaz Rahmani

vo ek pal ki rifaaqat bhi kyaa rifaaqat thi
jo de gai hai mujhe umar bhar ki tanhaai

taalaab to barsaat mein ho jaate hain kam-zarf
baahar kabhi aape se samundar nahin hotaa

guzar rahaa huun main saudaa-garon ki basti se
badan pe dekhiye kab tak libaas rahtaa hai

jahaan pe Duub gayaa meri aas kaa suraj
usi jagah vo sitaara-shanaas rahtaa hai

khil rahe hain gulaab zakhmon ke
shukriya aap ki navaazish kaa

fitrat ke taqaaze kabhi badle nahin jaate
khushbu hai agar vo to bikharnaa hi paDegaa

jab ki pahlu se yaar uThtaa hai
dard be-ikhtiyaar uThtaa hai

barseingi aaj rahmatein aamad hai yaar ki
naayaab hain ye ghaDiyaan tire intizaar ki

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

visaal-e-yaar gar haraam hai to sun
haraam ko halaal kar visaal kar

vahi ab jaan ke dushman bane hain
bigaaDi sab se jin ki dosti mein

naaqus se gharaz hai na matlab azaan se hai
mujh ko agar hai ishq to hindostaan se hai