fitrat ke taqaaze kabhi badle nahin jaate — Ejaz Rahmani

vo ek pal ki rifaaqat bhi kyaa rifaaqat thi
jo de gai hai mujhe umar bhar ki tanhaai

abhi se paanv ke chhaale na dekho
abhi yaaro safar ki ibtidaa hai

taalaab to barsaat mein ho jaate hain kam-zarf
baahar kabhi aape se samundar nahin hotaa

guzar rahaa huun main saudaa-garon ki basti se
badan pe dekhiye kab tak libaas rahtaa hai

jahaan pe Duub gayaa meri aas kaa suraj
usi jagah vo sitaara-shanaas rahtaa hai

khil rahe hain gulaab zakhmon ke
shukriya aap ki navaazish kaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

aarzu lutf talab ishq saraasar naakaam
mubtalaa zindagi-e-dil inhin auhaam mein hai

jaa phansaa dil zulf mein ab soiye
shaam ke murde ko kab tak Dhoiye

saamne taarif ghibat mein gila
aap ke dil ki safaai dekh li

un ki hasrat bhi nahin main bhi nahin dil bhi nahin
ab to 'bekhud' hai ye aalam miri tanhaai kaa