vo ek pal ki rifaaqat bhi kyaa rifaaqat thi — Ejaz Rahmani

abhi se paanv ke chhaale na dekho
abhi yaaro safar ki ibtidaa hai

taalaab to barsaat mein ho jaate hain kam-zarf
baahar kabhi aape se samundar nahin hotaa

guzar rahaa huun main saudaa-garon ki basti se
badan pe dekhiye kab tak libaas rahtaa hai

jahaan pe Duub gayaa meri aas kaa suraj
usi jagah vo sitaara-shanaas rahtaa hai

khil rahe hain gulaab zakhmon ke
shukriya aap ki navaazish kaa

fitrat ke taqaaze kabhi badle nahin jaate
khushbu hai agar vo to bikharnaa hi paDegaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

kahte the match dekhne vaale pukaar ke
ustaad jaa rahe hain shab-e-gham guzaar ke

gham-e-dauraan ne bhi sikhe gham-e-jaanaan ke chalan
vahi sochi hui chaalein vahi be-saakhta-pan

mere naghmaat ki taqdir na pahunche tujh tak
meri fariyaad ki qismat ki tujhe chhu aai