main us ke aib us ko bataataa bhi kis tarah — Ejaz Warsi

aap aae hain haal puchhaa hai
ham ne aise bhi khvaab dekhe hain

raah-rau bach ke chal darakhton se
dhuup dushman nahin hai saae hain

chaDhte suraj ki mudaaraat se pahle 'ejaaz'
soch lo kitne charaagh us ne bujhaae honge

barson mein bhi chhu jaae kisi ko to ghanimat
khushbu-e-vafaa yaaro baDi sust-qadam hai

ai sang-e-aastaan mire sajdon ki laaj rakh
aayaa huun e'tiraaf-e-shikast-e-khudi liye

darbaanon tak ke chehre raunat se maskh hain
dast-e-talab liye hue phir bhi khaDe hain log

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

jo dard ki aam ho gayaa hai
vo dil ko haraam ho gayaa hai

gham-e-maujud ghalat aur gham-e-fardaa baatil
raahat ik khvaab hai jis ki koi taabir nahin