apni nazrein bikher de saaqi — Faiz Ahmad Faiz

tum aae ho na shab-e-intizaar guzri hai
talaash mein hai sahar baar baar guzri hai

kab Thahregaa dard ai dil kab raat basar hogi
sunte the vo aaeinge sunte the sahar hogi

miri jaan aaj kaa gham na kar ki na jaane kaatib-e-vaqt ne
kisi apne kal mein bhi bhuul kar kahin likh rakhi hon masarratein

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

ik tarz-e-taghaaful hai so vo un ko mubaarak
ik arz-e-tamannaa hai so ham karte raheinge

jo talab pe ahd-e-vafaa kiyaa to vo aabru-e-vafaa gai
sar-e-aam jab hue muddai to savaab-e-sidq-o-vafaa gayaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

maarka garm to ho lene do khun-rezi kaa
pahle shamshir ke niche hamin jaa baiTheinge