ishq kiyaa to apni hi naadaani thi — Fay Seen Ejaz

hazaaron saal ki thi aag mujh mein
ragaDne tak main ik patthar rahaa thaa

jo maraa hai haadse mein miraa us se kyaa thaa rishta
ye saDak jo khuun mein tar hai mujhe kyuun pukaarti hai

kaise aataa hai dabe paanv gunaahon kaa khayaal
kitni khaamoshi se darvaaza khulaa thaa pahle

main ne dekhaa hai vo insaan tumhaare andar
raam ban jaaoge raavan to nahin ban sakte

kis anmol pashemaani ki daulat hai in aaankhon mein
palkon par do aansu jhamkein moti ke se daane do

achchhi-khaasi rusvaai kaa sabab hoti hai
dusri aurat pahli jaisi kab hoti hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ghussa aataa hai pyaar aataa hai
ghair ke ghar se yaar aataa hai

urdu mein baat kijiye urdu mein boliye
haq hai zabaan kaa pyaar kaa ras is mein gholiye

niind ke ghar mein hain khvaab aane lage
'ishq hai naachtaa aankh ke sahn mein

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi