nahin bachtaa hai bimaar-e-mohabbat — Goya Faqir Mohammad

bijli chamki to abr royaa
yaad aa gai kyaa hansi kisi ki

har gaam pe hi saae se ik misraa-e-mauzun
gar chand qadam chaliye to kyaa khuub ghazal ho

aasmaan kahte hain jis ko vo zamin-e-sher hai
maah-e-nau misraa hai vasf-e-abru-e-khamdaar mein

vo tifl-e-nusairi aae shaayad
qasmein duun murtazaa-ali ki

khaar chubh kar jo TuTtaa hai kabhi
aabla phuuT phuuT rotaa hai

saare quraan se us pari-ru ko
yaad ik lafz-e-lan-taraani hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

jaane kab kaise giraftaar-e-mohabbat hue ham
jaane kab Dhal gae iqraar mein inkaar ke rang

Tapke jo ashk valvale shaadaab ho gae
kitne ajiib ishq ke aadaab ho gae