bikhar ke ret hue hain vo khvaab dekhe hain — Haneef Kaifi

anaa anaa ke muqaabil hai raah kaise khule
taalluqaat mein haail hai baat ki divaar

shab-e-daraaz kaa hai qissa mukhtasar 'kaifi'
hui sahar ke ujaalon mein gum charaagh ki lau

koi bhi rut ho mili hai dukhon ki fasl hamein
jo mausam aayaa hai us ke itaab dekhe hain

sab nazar aate hain chehre gard gard
kyaa hue be-aab aaine tamaam

apni jaanib nahin ab lauTnaa mumkin meraa
Dhal gayaa huun main saraapaa tire aaine mein

muddatein guzrin mulaaqaat hui thi tum se
phir koi aur na aayaa nazar aaine mein

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

aankh kaa e'tibaar kyaa karte
jo bhi dekhaa vo khvaab mein dekhaa

tum apne khvaab bachaa kar rakkho ki kal duniyaa
tumhaari aankh mein jhaanke to zindagi dekhe

mujh se ye pyaas kaa sahraa nahin dekhaa jaataa
roz ab khvaab mein dariyaa nahin dekhaa jaataa

safar ke baad bhi zauq-e-safar na rah jaae
khayaal o khvaab mein ab ke bhi ghar na rah jaae