main ajab ye rasm dekhi mujhe roz-e-id-e-qurbaan — Mushafi Ghulam Hamdani

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

lailaa chali thi haj ke liye jazb-e-ishq se
naaqa machal ke najd ki manzil mein rah gayaa

yuun hai Dalak badan ki us pairahan ki tah mein
surkhi badan ki jaise chhalke badan ki tah mein

jitnaa ki ye duniyaa mein hamein khvaar rakhe hai
itne to gunahgaar zamaane ke nahin ham

jangal mein Tesu phulaa aur baagh mein shagufa
fasl-e-bahaar aai mausam gayaa khizaan kaa

apni to is chaman mein nit umr yunhi guzri
yaan aashiyaan banaayaa vaan aashiyaan banaayaa

muddaton baa'd kabhi ai nazar aane vaale
iid kaa chaand na dekhaa tiri surat dekhi

iid par masrur hain donon miyaan biivi bahut
ik kharidaari se pahle ik kharidaari ke baad

har shab shab-e-baraat hai har roz roz-e-id
sotaa huun haath gardan-e-minaa mein Daal ke

tu na aaegaa to ho jaaeingi khushiyaan sab khaak
iid kaa chaand bhi khaali kaa mahina hogaa

abru kaa ishaara kiyaa tum ne to hui iid
ai jaan yahi hai mah-e-shavval hamaaraa

qurbaan sau tarah se kiyaa tujh par aap ko
tu bhi kabhu to jaan na aayaa bajaae iid