zaraa saa mil ke dikhaao ki aise milte hain — Idris Babar

pachaas miil hai khushki se bahriya-town
bas ek ghanTe mein achchhaa zamaana aataa hai

kahaaniyon ne miri aadatein bigaaDi thiin
main sirf sach ko zafar-yaab dekh saktaa thaa

dil ki ik ek kharaabi kaa sabab jaante hain
phir bhi mumkin hai ki ham tum se muravvat kar jaaein

reg-e-dil mein kai naadida parinde bhi hain dafn
sochte honge ki dariyaa ki ziyaarat kar jaaein

haan ai ghubaar-e-aashnaa main bhi thaa ham-safar tiraa
pi gaiin manzilein tujhe khaa gae raaste mujhe

ik khauf-zada saa shakhs ghar tak
pahunchaa kai raaston mein baT kar

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

ai zindagi junun na sahi be-khudi sahi
tu kuchh bhi apni aql se paagal uThaa to laa

raat ko roz Duub jaataa hai
chaand ko tairnaa sikhaanaa hai

hamein shikva nahin ik dusre se
manaanaa chaahiye is par khushi kyaa