in parbaton ke biich thi mastur ik guphaa — Wahab Danish

jangalon mein ghumte phirte hain shahron ke faqih
kyaa darakhton se bhi chhin jaaegaa aalam vajd kaa

jab safar ki dhuup mein murjhaa ke ham do pal ruke
ek tanhaa peD thaa meri tarah jaltaa huaa

khul gayaa raaz chhupi chaah kaa sab mahfil par
naam le kar jo miraa us se pukaaraa na gayaa

vo rang kaa hujum saa vo khushbuon ki bhiiD si
vo lafz lafz se javaan vo harf harf se hasin

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

paaniyon mein khel kuchh aisaa bhi honaa chaahiye thaa
biich dariyaa mein koi kashti Dubonaa chaahiye thaa

barson pahle jis dariyaa mein utraa thaa
ab tak us ki gahraai hai aankhon mein

pyaas baDhti jaa rahi hai bahtaa dariyaa dekh kar
bhaagti jaati hain lahrein ye tamaashaa dekh kar

taalaab iraade kaa bhare pal mein labaalab
jab yaar ke dariyaa-e-karam suun lahr aave

husn-e-qismat se hamesha 'fitrat'
bakht bedaar rahaa khvaabon mein