us ki khamoshiyon mein nihaan kitnaa shor thaa — Jameel Malik

aap mein gum hain magar sab ki khabar rakhte hain
ghar mein baiThe hain zamaane pe nazar rakhte hain

ham to tamaam umr tiri hi adaa rahe
ye kyaa huaa ki phir bhi hamin bevafaa rahe

baagh mein jaa kar dekh liyaa
koi nahin thaa tujh saa phuul

ham se koi taalluq-e-khaatir to hai use
vo yaar baa-vafaa na sahi bevafaa to hai

kaise the log jin ki zabaanon mein nuur thaa
ab to tamaam jhuuT hai sachchaaiyon mein bhi

ye manzar ye ruup anokhe sab shahkaar hamaare hain
ham ne apne khun-e-jigar se kyaa kyaa naqsh ubhaare hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

khushiyaan dete dete aksar khud gham mein mar jaate hain
resham bunne vaale kiiDe resham mein mar jaate hain

tumhaare bakhshe hue aansuon ke qatron se
shab-e-firaaq mein taare sajaa rahaa huun main

jise paDhaa nahin tum ne kabhi mohabbat se
kitaab-e-zist kaa vo baab hain mire aansu