dil jahaan le jaae dil ke saath jaanaa chaahiye — Jameel Yusuf

tu miri raah mein kyuun haail hai
ek umDe hue dariyaa ki tarah

ab to tere husn ki har anjuman mein dhuum hai
jis ne meraa haal dekhaa teraa divaana huaa

teri duuri bhi hai mushkil tiri qurbat bhi muhaal
kis qadar tu ne miri jaan sataayaa hai mujhe

teri duniyaa mein tire husn kaa shaidaai huun
ai khudaa mujh ko gunahgaar na samjhaa jaae

ai khudaa tu hi be-misaal nahin
main bhi huun kaaenaat mein tanhaa

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

chaand ne taan li hai chaadar-e-abr
ab vo kapDe badal rahi hogi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

'saif' andaaz-e-bayaan rang badal detaa hai
varna duniyaa mein koi baat nai baat nahin