samand-e-khvaab vahaan chhoD kar ravaana huaa — Jamuna Parsad Rahi

lauT bhi aayaa to sadiyon ki thakan laaegaa
subh kaa bhulaa huaa shaam ko ghar aane tak

ajiib aag lagaa kar koi ravaana huaa
mire makaan ko jalte hue zamaana huaa

kachchi divaarein sadaa-noshi mein kitni taaq thiin
pattharon mein chikh kar dekhaa to andaazaa huaa

kashtiyaan Duub rahi hain koi saahil laao
apni aankhein miri aankhon ke muqaabil laao

gaanv se guzregaa aur miTTi ke ghar le jaaegaa
ek din dariyaa sabhi divaar o dar le jaaegaa

main lafz-e-khaam huun koi ki tarjumaan-e-ghazal
ye faisla kisi taaza kitaab par Thahraa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

yuun to maujud apne ghar mein hai
aadmi mustaqil safar mein hai

barsaat kaa baadal to divaana hai kyaa jaane
kis raah se bachnaa hai kis chhat ko bhigonaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

safar mein aise kai marhale bhi aate hain
har ek moD pe kuchh log chhuT jaate hain

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar