safar mein tum hamaare saath rahnaa — Javed Akram Farooqi

kitnaa mushkil huaa javaab mujhe
kitnaa aasaan thaa savaal us kaa

lamha lamha roz sanvarne vaalaa tu
lamha lamha lamha roz bikharne vaalaa main

main haathon mein khanjar le kar soch rahaa huun
lauTungaa to meraa bhi ghar zakhmi hogaa

ai khaak-e-vatan ab to vafaaon kaa silaa de
main TuTti saanson ki fasilon pe khaDaa huun

muskuraane ki sazaa milti rahi
muskuraane ki khataa karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

ret par ik nishaan hai shaayad
ye hamaaraa makaan hai shaayad

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

gham hai na ab khushi hai na ummid hai na yaas
sab se najaat paae zamaane guzar gae

aasmaan jhaank rahaa hai 'khaalid'
chaand kamre mein mire utraa hai