mahfil-e-ishq mein vo naazish-e-dauraan aayaa — Josh Malihabadi

had hai apni taraf nahin main bhi
aur un ki taraf khudaai hai

vahaan se hai miri himmat ki ibtidaa vallaah
jo intihaa hai tire sabr aazmaane ki

haan aasmaan apni bulandi se hoshiyaar
ab sar uThaa rahe hain kisi aastaan se ham

ik na ik zulmat se jab vaabasta rahnaa hai to 'josh'
zindagi par saaya-e-zulf-e-pareshaan kyuun na ho

ham aise ahl-e-nazar ko subut-e-haq ke liye
agar rasul na hote to subh kaafi thi

naqsh-e-khayaal dil se miTaayaa nahin hanuz
be-dard main ne tujh ko bhulaayaa nahin hanuz

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

aai jo ruh-e-lailaa ziyaarat ko qais ki
di ishq ne qanaat ba-gard-e-mazaar baandh

dil hi dil mein yaan mohabbat apnaa ghar karti rahi
ham rahe ghaafil vo sau TukDe jigar karti rahi

daarushshafaa-e-ishq mein le jaa ke ham ko ishq
bolaa ki chand roz ye bimaariyaan rahein