aarizon par ye Dhalakte hue aansu tauba — Josh Malsiani

jis ko tum bhuul ga.e yaad kare kaun us ko
jis ko tum yaad ho vo aur kise yaad kare

taalib-e-khair na honge kabhi insaan se ham
naam us kaa hai bashar us mein hai shar do-baTaa-tin

yaa rahein is mein apne ghar ki tarah
yaa mire dil mein aap ghar na karein

aane vaali hai kyaa balaa sar par
aaj phir dil mein dard hai kam kam

pi loge to ai shaikh zaraa garm rahoge
ThanDaa hi na kar dein kahin jannat ki havaaein

vatan ki sar-zamin se ishq-o-ulfat ham bhi rakhte hain
khaTakti jo rahe dil mein vo hasrat ham bhi rakhte hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

mere dard mein ye khalish kahaan mere soz mein ye tapish kahaan
kisi aur hi ki pukaar hai miri zindagi ki sadaa nahin

nikalte hain baraabar ashk meri donon aankhon se
mataa-e-dard tulne ki taraazu ho to aisi ho

jaane ko jaae fasl-e-gul aane ko aae har baras
ham gham-zadon ke vaaste jaise chaman vaise qafas