nikalte hain baraabar ashk meri donon aankhon se — Naseem Dehlvi

harfon ke mile joD baDhaa husn raqam kaa
har lafz ke paivand mein bakhiya hai qalam kaa

tasadduq hone vaale pis na jaaein
uThaae haath se daaman ko chaliye

allaah re taraddud-e-khaatir ki kasratein
tuuda banaa diyaa mujhe gard-e-malaal kaa

husn-e-barahnagi ke uThaate baDe maze
hotaa na ruuh ko jo libaas-e-badan hijaab

ek se do daagh do se chaar phir to saikDon
khilte khilte phuul siine par gulistaan ho gayaa

matlab hai miraa aariz-e-pur-nur kaa jalva
aashiq huun tiraa naam ko banda huun khudaa kaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

bahut kaam lene hain dard-e-jigar se
kahin zindagi ko qaraar aa na jaae

gham-e-jahaan ke taqaaze shadid hain varna
junun-e-kucha-e-dildaar ham bhi rakhte hain

saaz se mere ghalat naghmon ki ummid na kar
aag ki aag hai dil mein to dhuaan kyunkar ho