rakhte hain mohabbat ko taghaaful mein chhupaa kar — Junaid Akhtar

tum ko sote mein bhi kab aankh uThaa kar dekhaa
ham ne khvaabon mein bhi aaankhon ki nigah-daari ki

raah-e-talab mein daam-o-diram chhoD jaaeinge
likh lo hamaare sher baDe kaam aaeinge

vo to bas jhuTi tasalli ko kahaa thaa tum se
ham to apne bhi nahin, khaak tumhaare hote

main bhalaa haath duaaon ko uThaataa kaise
us ne chhoDi hi nahin koi zarurat baaqi

saare to nahin jaan bachaane mein lage hain
kuchh ghaav hamein zakhm lagaane mein lage hain

yaqin khud uTh gayaa hai mujh se meraa
miri itni taraf-daari hui hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

agar vo aaj raat hadd-e-iltifaat toD de
kabhi phir us se pyaar kaa khayaal bhi na aaegaa

karne ko kuchh nahin hai nae saal mein 'yashab'
kyon naa kisi se tark-e-mohabbat hi kijiye

agar itni muqaddam thi zarurat raushni ki
to phir saae se apne pyaar karnaa chaahiye thaa

ham donon kaa 'ishq mukammal honaa mushkil lagtaa hai
tu jins-e-jinnaat ki paidaa aur main beTaa aadam kaa