tum ko sote mein bhi kab aankh uThaa kar dekhaa — Junaid Akhtar

raah-e-talab mein daam-o-diram chhoD jaaeinge
likh lo hamaare sher baDe kaam aaeinge

rakhte hain mohabbat ko taghaaful mein chhupaa kar
parvaa hi to karte hain jo parvaa nahin karte

vo to bas jhuTi tasalli ko kahaa thaa tum se
ham to apne bhi nahin, khaak tumhaare hote

main bhalaa haath duaaon ko uThaataa kaise
us ne chhoDi hi nahin koi zarurat baaqi

saare to nahin jaan bachaane mein lage hain
kuchh ghaav hamein zakhm lagaane mein lage hain

yaqin khud uTh gayaa hai mujh se meraa
miri itni taraf-daari hui hai

mere khvaabon ke jharokon ko sajaate rahiye
na sahi vasl magar yaad to aate rahiye

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

kam raushan ik khvaab aaina ik piilaa murjhaayaa phuul
pas-manzar ke sannaaTe mein ek nadi pathrili si

tu khvaab hi mein sahi aa ke khud javaab to de
bujhi bujhi si miri aarzu ko aab to de