raah-e-talab mein daam-o-diram chhoD jaaeinge — Junaid Akhtar

tum ko sote mein bhi kab aankh uThaa kar dekhaa
ham ne khvaabon mein bhi aaankhon ki nigah-daari ki

rakhte hain mohabbat ko taghaaful mein chhupaa kar
parvaa hi to karte hain jo parvaa nahin karte

vo to bas jhuTi tasalli ko kahaa thaa tum se
ham to apne bhi nahin, khaak tumhaare hote

main bhalaa haath duaaon ko uThaataa kaise
us ne chhoDi hi nahin koi zarurat baaqi

saare to nahin jaan bachaane mein lage hain
kuchh ghaav hamein zakhm lagaane mein lage hain

yaqin khud uTh gayaa hai mujh se meraa
miri itni taraf-daari hui hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi