kahnaa paDaa unhin ko masihaa-e-vaqt bhi — Zahida Kamal

jab tak tumhaaraa husn numaayaan na ho sakaa
raushan charaagh-e-aalam-e-imkaan na ho sakaa

afsaana-e-hayaat bani phuul ban gai
jab muskuraai koi kali iztiraab mein

shaamil na hote husn ke jalve agar 'kamaal'
hotaa kahaan ye nuur shab-e-maahtaab mein

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

dil to rotaa rahe aur aankh se aansu na bahe
ishq ki aisi rivaayaat ne dil toD diyaa

kyaa gham hai jo ham gumnaam rahe tum to na magar badnaam hue
achchhaa hai ki mere marne par duniyaa mein miraa maatam na huaa

kaun kis kaa gham khaae kaun kis ko bahlaae
teri be-kasi tanhaa mary bebasi tanhaa