dard to zakhm ki paTTi ke haTaane se uThaa — Zaheer Siddiqui

na jaane ham se gila kyuun hai tishna-kaamon ko
hamaare haath mein mai thi na daur-e-saaghar thaa

itne chehron mein mujhe hai ek chehre ki talaash
jis ko main ne kho ke paayaa paa ke khoyaa subh tak

jaise jaise aagahi baDhti gai vaise 'zahir'
zehn o dil ik dusre se munfasil hote gae

zarre zarre mein bikhar jaanaa hai takmil-e-hayaat
mujh ko ye zebaa nahin ab zaat mein simTaa rahun

us ke alfaaz-e-tasalli ne rulaayaa mujh ko
kuchh ziyaada hi dhuaan aag bujhaane se uThaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

qulqul-e-minaa sadaa naaqus ki shor-e-azaan
ThanDe ThanDe didani hai garmi-e-baazaar-e-subh

aao tum hi karo masihaai
ab bahalti nahin hai tanhaai

faaeda kyaa soch aakhir tu bhi daanaa hai 'asad'
dosti naadaan ki hai ji kaa ziyaan ho jaaegaa