zamaane ke darbaar mein dast-basta huaa hai — Khalid Iqbal Yasir

inhein dar-e-khvaab-gaah se kis liye haTaayaa
muhaafizon ki vafaa-shiaari mein kyaa kami thi

rahti hai saath saath koi khush-gavaar yaad
tujh se bichhaD ke teri rifaaqat gai nahin

bhuul jaanaa thaa jise sabt hai dil par mere
yaad rakhnaa thaa jise us ko bhulaa baiThaa huun

haan ye mumkin hai magar itnaa zaruri bhi nahin
jo koi pyaar mein haaraa vahi fankaar huaa

lagtaa hai zinda rahne ki hasrat gai nahin
mar ke bhi saans lene ki aadat gai nahin

jaisi nigaah thi tiri vaisaa fusun huaa
jo kuchh tire khayaal mein thaa jun-kaa-tun huaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jab bhi aql banaati hai pahlaa misraa
dil ko misra-e-saani honaa paDtaa hai

aql kahti hai dobaara aazmaanaa jahl hai
dil ye kahtaa hai fareb-e-dost khaate jaaiye

kisi ki yaad manaane mein iid guzregi
so shahr-e-dil mein bahut duur tak udaasi hai

dil par pahan liyaa hai vo gajre ke jaisaa shakhs
lekin gale kaa haar nahin kar rahaa huun main