umr-e-rafta jaa kisi divaar ke saae mein baiTh — Khan Rizwan

tark-e-taalluqaat mein mahjur to hue
lekin khayaal-o-khvaab mein vo ru-ba-ru rahe

ye khadd-o-khaal ye gesu ye surat-e-zebaa
sabhi kaa husn hai apni jagah magar aankhein

ham to apne qad ke baraabar bhi na hue
log na jaane kaise khudaa ho jaate hain

kaun guzraa hai ye aandhiyon ki tarah
shama-e-raah-e-vafaa ko bujhaate hue

ki hai sargoshi sar-e-shaam mire dil ne phir
is liye ham ne lapeTaa nahin bistar apnaa

vo chaahtaa hai ki ham us ki dastaras mein rahein
kisi kaa ho ke rahein ye use gavaaraa nahin

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

kaT gai ehtiyaat-e-ishq mein umr
ham se izhaar-e-muddaaa na huaa

main jis ko ek umr sambhaale phiraa kiyaa
miTTi bataa rahi hai vo paikar miraa na thaa

ik baat kaheinge 'inshaa'-ji tumhein rekhta kahte umr hui
tum ek jahaan kaa ilm paDhe koi 'mir' saa sher kahaa tum ne