ki hai sargoshi sar-e-shaam mire dil ne phir — Khan Rizwan

tark-e-taalluqaat mein mahjur to hue
lekin khayaal-o-khvaab mein vo ru-ba-ru rahe

ye khadd-o-khaal ye gesu ye surat-e-zebaa
sabhi kaa husn hai apni jagah magar aankhein

ham to apne qad ke baraabar bhi na hue
log na jaane kaise khudaa ho jaate hain

umr-e-rafta jaa kisi divaar ke saae mein baiTh
be-sabab ki khvaahishein hain aur ghar ki justuju

kaun guzraa hai ye aandhiyon ki tarah
shama-e-raah-e-vafaa ko bujhaate hue

vo chaahtaa hai ki ham us ki dastaras mein rahein
kisi kaa ho ke rahein ye use gavaaraa nahin

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ai junun phir mire sar par vahi shaamat aai
phir phansaa zulfon mein dil phir vahi aafat aai

nai shamein jalaao aashiqi ki anjuman vaalo
ki suunaa hai shabistaan-e-dil-e-parvaana barson se

jo likhaa hi nahin gayaa mujh se
dil ne vo giit gungunaayaa hai

miri gali ke makin ye mire rafiq-e-safar
ye log vo hain jo chehre badalte rahte hain