tark-e-taalluqaat mein mahjur to hue — Khan Rizwan

ye khadd-o-khaal ye gesu ye surat-e-zebaa
sabhi kaa husn hai apni jagah magar aankhein

ham to apne qad ke baraabar bhi na hue
log na jaane kaise khudaa ho jaate hain

umr-e-rafta jaa kisi divaar ke saae mein baiTh
be-sabab ki khvaahishein hain aur ghar ki justuju

kaun guzraa hai ye aandhiyon ki tarah
shama-e-raah-e-vafaa ko bujhaate hue

ki hai sargoshi sar-e-shaam mire dil ne phir
is liye ham ne lapeTaa nahin bistar apnaa

vo chaahtaa hai ki ham us ki dastaras mein rahein
kisi kaa ho ke rahein ye use gavaaraa nahin

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

kunein ki samt bulaa le na koi khvaab mujhe
main apne baap kaa sab se hasin beTaa huun

bin dekhe us ke jaave ranj o azaab kyuun kar
vo khvaab mein to aave par aave khvaab kyuun kar

haath mein le kar gilauri mujh ko dikhlaa kar kahaa
munh to banvaae koi is paan khaane ke liye