vo jab bhi aayaa bahut tez baarishon jaisaa — Kishwar Naheed

mardon ko sab ravaa pa hai aurat ko naaravaa
sharm-o-hayaa kaa shahr mein charchaa bhi hai ajab

hamein dekho hamaare paas baiTho ham se kuchh sikho
hamin ne pyaar maangaa thaa hamin ne daagh paae hain

us ko fursat bhi nahin mujh ko tamannaa bhi nahin
phir khalish kyaa hai ki rah rah ke vafaa DhunDhti hai

dil mein hai mulaaqaat ki khvaahish ki dabi aag
mehndi lage haathon ko chhupaa kar kahaan rakkhun

kuchh din to malaal us kaa haq thaa
bichhDaa to khayaal us kaa haq thaa

kaun jaane ki uDti hui dhuup bhi
kis taraf kaun si manzilon mein gai

pyaaso raho na dasht mein baarish ke muntazir
maaro zamin pe paanv ki paani nikal paDe

use pataa hai ki rukti nahin hai chhaanv kabhi
to phir vo abr ko kyuun saaebaan samajhtaa hai

aaj rakkhe hain qadam us ne miri chaukhaT par
aaj dahliz miri chhat ke baraabar hui hai

ho lene do baarish ham bhi ro leinge
dil mein hain kuchh zakhm puraane dho leinge

main abr-o-baad se tufaan se sab se Dartaa huun
gharib-e-shahr huun kaaghaz ke ghar mein rahtaa huun

hijr ki raat hai aur aankh mein aansu bhi nahin
aise mausam mein to barsaat huaa karti thi