jaate jaate diyaa is tarah dilaasaa us ne — Lutf

tamaam umr miraa mujh se ikhtilaaf rahaa
gila na kar jo kabhi teraa ham-navaa na huaa

ab na vo zauq-e-vafaa hai na mizaaj-e-gham hai
hu-ba-hu garche koi teri misaal aayaa thaa

vahi akelaa hai anjuman mein
vahi hai tanhaa makaan mein bhi

kis se ummid karein koi ilaaj-e-dil ki
chaaraagar bhi to bahut dard kaa maaraa niklaa

main khud hi apne taaaqub mein phir rahaa huun abhi
uThaa ke tu meri raahon se raastaa le jaa

main dar-ba-dar huun abhi apni justuju mein bahut
main apne lahje ko andaaz de rahaa huun abhi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil jalaao yaa diye aankhon ke darvaaze par
vaqt se pahle to aate nahin aane vaale

vaqt ke saath 'sadaa' badle ta'alluq kitne
tab gale milte the ab haath milaayaa na gayaa

tumhaaraa naam kisi ajnabi ke lab par thaa
zaraa si baat thi dil ko magar lagi hai bahut

rail-gaaDi ke safar mein ye huaa hai aksar
log baiThe hue saamaan badal dete hain