tamaam umr miraa mujh se ikhtilaaf rahaa — Lutf

ab na vo zauq-e-vafaa hai na mizaaj-e-gham hai
hu-ba-hu garche koi teri misaal aayaa thaa

vahi akelaa hai anjuman mein
vahi hai tanhaa makaan mein bhi

kis se ummid karein koi ilaaj-e-dil ki
chaaraagar bhi to bahut dard kaa maaraa niklaa

jaate jaate diyaa is tarah dilaasaa us ne
biich dariyaa mein koi jaise kinaara niklaa

main khud hi apne taaaqub mein phir rahaa huun abhi
uThaa ke tu meri raahon se raastaa le jaa

main dar-ba-dar huun abhi apni justuju mein bahut
main apne lahje ko andaaz de rahaa huun abhi

kam-umri mein sunet hain
mar jaate hain achchhe log

umr hi teri guzar jaaegi un ke hal mein
teraa bachcha jo savaalaat liye baiThaa hai

idhar to tuul diyaa hai umiid ko us ne
udhar hayaat ataa ki hai mukhtasar mujh ko

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai