zindagi se mohabbat karo TuuT kar — Madan Mohan Danish

ye haasil hai miri khaamoshiyon kaa
ki patthar aazmaane lag gae hain

ho gae phir tum kahin aabaad kyaa
hil gai tanhaai ki buniyaad kyaa

mohabbat ratjage aavaaragardi
zaruri kaam saare ho rahe hain

koi jab shahr se jaae to raunaq ruuTh jaati hai
kisi ki shahr mein maujudgi se kuchh nahin hotaa

ye naadaani nahin to kyaa hai 'daanish'
samajhnaa thaa jise samjhaa rahaa huun

jab apni be-kali se be-khudi se kuchh nahin hotaa
pukaarein kyon kisi ko ham kisi se kuchh nahin hotaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

khinch laayaa tujhe ehsaas-e-mohabbat mujh tak
ham-safar hone kaa teraa bhi iraada kab thaa

divaar-e-zindaan ke pichhe
jurm-e-mohabbat mein baiThaa huun

gar kiyaa naaseh ne ham ko qaid achchhaa yuun sahi
ye junun-e-ishq ke andaaz chhuT jaaveinge kyaa

ham jaante to ishq na karte kisu ke saath
le jaate dil ko khaak mein is aarzu ke saath