rakhiyo 'ghaalib' mujhe is talkh-navaai mein muaaf — Mirza Ghalib

phir usi bevafaa pe marte hain
phir vahi zindagi hamaari hai

umr bhar dekhaa kiye marne ki raah
mar gae par dekhiye dikhlaaein kyaa

saadgi o purkaari be-khudi o hushyaari
husn ko taghaaful mein jurat-aazmaa paayaa

girni thi ham pe barq-e-tajalli na tuur par
dete hain baada zarf-e-qadah-khvaar dekh kar

naakaami-e-nigaah hai barq-e-nazaaraa-soz
tu vo nahin ki tujh ko tamaashaa kare koi

marte hain aarzu mein marne ki
maut aati hai par nahin aati

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

jiite ji ham to gham-e-fardaa ki dhun mein mar gae
kuchh vahi achchhe hain jo vaaqif nahin anjaam se

shokh havaaon ke aanchal mein tham tham kar
shaam se hi hain dard puraane yaad aae

mujhe dard ki baarishon mein bahaa kar
vo rahnaa tiraa be-khabar yaad aayaa