puchhaa agar kisi ne miraa aa ke haal-e-dil — Mirza Raza Barq

ham to apnon se bhi begaana hue ulfat mein
tum jo ghairon se mile tum ko na ghairat aai

na sikandar hai na daaraa hai na qaisar hai na jam
be-mahal khaak mein hain qasr banaane vaale

agar hayaat hai dekheinge ek din didaar
ki maah-e-eid bhi aakhir hai in mahinon mein

daulat nahin kaam aati jo taqdir buri ho
qaarun ko bhi apnaa khazaanaa nahin miltaa

ai sanam vasl ki tadbiron se kyaa hotaa hai
vahi hotaa hai jo manzur-e-khudaa hotaa hai

hamaare aib ne be-aib kar diyaa ham ko
yahi hunar hai ki koi hunar nahin aataa

jab ki pahlu se yaar uThtaa hai
dard be-ikhtiyaar uThtaa hai

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

kaun maslub huaa husn kaa kirdaar ki ham
shohrat-e-ishq mein badnaam huaa yaar ki ham

har siina aah hai tire paikaan kaa muntazir
ho intikhaab ai nigah-e-yaar dekh kar

jab chaahaa iqraar kiyaa hai jab chaahaa inkaar kiyaa
dekho ham ne khud hi se ye kaisaa anokhaa pyaar kiyaa

hindostaan mein dhuum hai kis ki zabaan ki
vo kaun hai 'riyaaz' ko jo jaantaa nahin