na samjhe ashk-fishaani ko koi maayusi — Mohammad Yaqoob Aamir

main aaj kal ke tasavvur se shaad-kaam to huun
ye aur baat ki do pal ki zindagaani hai

baad-e-nafrat phir mohabbat ko zabaan darkaar hai
phir aziz-e-jaan vahi urdu zabaan hone lagi

dhire dhire sar mein aa kar bhar gayaa barson kaa shor
rafta rafta aarzu-e-dil dhuaan hone lagi

har nayaa rasta nikaltaa hai jo manzil ke liye
ham se kahtaa hai puraani rahguzar kuchh bhi nahin

mujhe bhi khud na thaa ehsaas apne hone kaa
tiri nigaah mein apnaa maqaam khone tak

sar ke niche iinT rakh kar umr bhar soyaa hai tu
aakhiri bistar bhi 'aamir' teraa farsh-e-khaak thaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

ik be-qaraar dil se mulaaqaat kijiye
jab mil gae hain aap to kuchh baat kijiye

na jaane kis kaa saaya dil se guzraa
zaraa aavaaz denaa raazdaaro

shaakh se TuuT ke patte ne ye dil mein sochaa
kaun is tarah bhalaa maail-e-hijrat hogaa