dauDti haanpti aai thi udaasi mujh tak — Nadim Nadeem

aah ko saaz banaate hain dukhon ki rut mein
dil-shikasta hain par aavaaz sanbhaale hue hain

kaise kaise log vujud ki zad mein aa kar mar gae
is dariyaa ki bheinT chaDhe kaise kaise tairaak

kyaa nayyaa aur kaisaa khevayyaa chaahne vaalo Duub maro
in aankhon ke dariyaaon mein aaj bhanvar bharpur paDe hain

vahshat nahin hai raqs-e-masarrat hai dasht mein
peDon ki shakl mein ye mire chaar-su ho tum

par kaTe panchhiyon se puchhte ho
tum mein uDne kaa hausla hai kyaa

badalte mausamon kaa haath thaame chalne vaalo
sukun pahunchaaegi tum ko shajar-kaari hamaari

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

isi kaa naam shaayad zindagi hai
khushi ki ik ghaDi to ik ghami ki

ghair to aansu pochheinge
dhokaa deinge apne log

baDi hi karbnaak thi vo pahli raat hijr ki
dobaara dil mein aisaa dard aaj tak nahin huaa