bhari duniyaa mein ji nahin lagtaa — Nasir Kazmi

vo koi dost thaa achchhe dinon kaa
jo pichhli raat se yaad aa rahaa hai

aarzu hai ki tu yahaan aae
aur phir umr bhar na jaae kahin

vaqt achchhaa bhi aaegaa 'naasir'
gham na kar zindagi paDi hai abhi

hamaare ghar ki divaaron pe 'naasir'
udaasi baal khole so rahi hai

judaaiyon ke zakhm dard-e-zindagi ne bhar diye
tujhe bhi niind aa gai mujhe bhi sabr aa gayaa

ai dost ham ne tark-e-mohabbat ke baavajud
mahsus ki hai teri zarurat kabhi kabhi

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

aag to chaaron hi jaanib thi par achchhaa ye hai
hosh-mandi se kisi chiiz ko jalne na diyaa