vaqt achchhaa bhi aaegaa 'naasir' — Nasir Kazmi

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

akele ghar se puchhti hai be-kasi
tiraa diyaa jalaane vaale kyaa hue

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

hujum-e-ranj-o-gham-o-dard hai marun kyunkar
qadam uThaaun jo aage kushaada raah mile

dil agar dil hai to vaabasta-e-gham bhi hogaa
nikhat-e-gul bhi kahin gul se judaa rahti hai

haTo kaandhe se aansu ponchh Daalo vo dekho rail-gaaDi aa rahi hai
main tum ko chhoD kar hargiz na jaataa gharibi mujh ko le kar jaa rahi hai